Aizufamiliak proiektutik, lehen hiruhilabete honetan, Barakaldoko haur eta lehen-hezkuntzako ikasleen familientzako hainbat tailer antolatu ditugu.
Oraingo honetan, eboluzio-etapak osatzeko, lau tailer izango ditugu bigarren-hezkuntzako ikasleen familientzat. Aurreko deialdietan bezala, tailerrak online formatuan egingo dira, Zoom plataformaren bidez; urtarrilean hasiko dira, eta martxoan amaituko da azken tailerra.
Aurrekoetan bezala, izena eman nahi duten familiek Aizufamiliak blogaren bidez eman dezakete izena: https://aizufamiliak.barakaldo.eus /
Edo telefono zenbaki hauetara deituz: 94 478 96 44/94 478 92 73
Dakizuenez, nerabezaroak aldaketa asko dakartza norbanako eta familia mailan; horregatik, garrantzitsua da familiek gogoeta egiteko eta bizipenak partekatzeko espazioak izatea, eta, aldi berean, hezkuntza-jarraibideak zabaltzea. Horregatik, eskatzen dizuegu ahal duzuen neurrian informazio hau helaraztea.
Mila esker aldez aurretik zuen zabalkundeagatik!