Ikasleen ondoez emozionala hainbat portaeratan isla daiteke; baina batzuetan, oharkabean pasa daitezke edo tentsioak sor ditzakete ikasgela barruko bizikidetzan. Portaera horiek, sarritan, berdinen arteko harremanetan eta/edo irakaslearen eta ikaslearen arteko harremanetan eragiten dute.
Askotan, ikastetxeetan identifikatzen dira terapiari, hezkuntzari, gizarteari eta abarri heltzea eskatzen duten problematika asko, eta, horregatik, oso garrantzitsua da ikasleek duten ondoeza aitortzea eta artatzea, norberaren ongizatea bermatzeko behar diren baliabideak eta tresnak eman ahal izateko.
Ondoez horren adierazpena hainbat modutan adieraz daiteke; hala ere, zenbait adierazle lagungarriak izan daitezke:
- Erraz despistatzen da.
- Etengabe mozten du eskola.
- Zailtasunak zeregin berrien aurrean.
- Bat-bateko umore-aldaketak.
- Apatia orokortua.
- Neke orokorra.
- Zailtasunak harremanetan.
- Hitzezko agresibitatea edo agresibitate fisikoa.
- Ez du gelan parte hartzen.
- Bakarrik geratzen da lantaldeak egiten direnean.
- Aldaketa esanguratsuak egoera emozionalean eta/edo jokabidean.
- Zailtasun akademikoak.
- …
Adierazle horien atzean hainbat arazo egon daitezke; horregatik, garrantzitsua da egiten duzuen lanarekin jarraitzea, ikasleen familiekin edo arduradunekin zuzenean harremanetan zaudetelako behar duten arreta eta orientazioa har dezaten.
Informazio hau zuen interesekoa izatea espero dugu!