Nork uste duzu asmatu duela “danone” gorputza?… Enpresa askori interesatzen zaie gu ez egotea gustura gure gorputzarekin, horrela, beraien produktuak erosiko ditugulako:
– Light produktuak: Beste produktu batzuk baino askoz garestiagoak dira, baina loditzen ez dutela esaten digutenez…azkenean, erosi egiten ditugu.
– Produktu kosmetikoak: …zelulitiserako, azaleko garauetarako, azala hidratatuta edukitzeko… eta urte batzuk barru… zimurretarako.
Labur esanda, gezur handi bi:
1. Gure gorputza den modukoa baino esaten diguten modukoa izan behar dela (gure gorputza ondo ez badago, guk erabakitzen dugulako edo osasun arrazoiengatik izan dadila, inoiz ez publizitate enpresek sinetsarazten digutelako).
2. Dirua produktuetan gastatzen badugu, esaten diguten moduko gorputza eduki ahal dugula. (Pentsa ezazu enpresek helburu bakarra dutela, zuk produktuak erostea)